Të hënën, autoritetet saudite njoftuan zyrtarisht Planin Operativ të Ramazanit 2022 për dy xhamitë e shenjta në Mekë dhe Medine. Sipas llogarisë zyrtare në Twitter të Haramain Sharifain, janë katër pika kryesore të Planit Operativ.
Plani i Ramazanit 2022 për Mesxhid al-Haram dhe Nabawi
• E para është kufizimi i Metaafit i cili kufizohet te haxhinjtë e Umres. Haramain Sharifain shpjegoi se Mataafi do të kufizohet vetëm për pelegrinët që kanë leje për umre, megjithatë, Tawaf al-Nafl (Tavafi Vullnetar) mund të kryhet në katin e parë. Kati i parë i Mesxhidil Haramit është gjithashtu i rezervuar për pelegrinët me karroca për persona me aftësi te kufizuara.
• Presidenca e Përgjithshme për Çështjet e dy Xhamive të Shenjta ofron pesë zona për lutje në Xhaminë e Madhe, duke përfshirë oborrin lindor dhe një zonë të caktuar për besimtarët me nevoja
• të veçanta.
• Përveç kësaj, plani operativ rregullon edhe kthimin e Sofras për të prishur agjërimin në Dy Xhamitë e Shenjta dhe për të forcuar monitorimin e fëmijëve.
• Më parë, Presidenca e Përgjithshme për Çështjet e Dy Xhamive të Shenjta kishte njoftuar kthimin e vakteve të iftarit në Mesxhid al-Haram dhe Mesxhid Al Nabawi pas dy vitesh pezullim për shkak të pandemisë COVID-19.
• Presidenca shpjegoi se autoritetet do të sigurojnë ushqim për vizitorët që do të prishin agjërimin, ndërsa vizitorëve nuk u lejohet të sjellin ushqim nga jashtë në ambientet apo oborrin e xhamisë. Këto vakte do të shpërndahen individualisht, që do të thotë se besimtarët do të marrin ujë dhe hurma vetëm për konsum personal dhe nuk lejohet t'i ndajnë me njëri-tjetrin.
Sheikh Abdurahman Al-Sudais, Shefi i Presidencës së Përgjithshme për Çështjet e Dy Xhamive, në ceremoninë e veçantë të mbajtur me rastin e publikimit të Planit Operativ të Ramazanit, tha se plani i operativ nënkupton pranimin e të gjithë besimtarëve të cilët ndjekin masat për parandalimin e përhapjes së COVID- 19, por në të njëjtën kohë duke ofruar komoditet për vizitorët që të kenë përvojën e tyre më të mirë gjatë qëndrimit në xhami.
Al-Sudais tha se do të ketë rreth 12,000 punëtorë që do t'u shërbejnë pelegrinëve gjatë Ramazanit dhe se do të ndihmohen me shërbime dixhitale dhe inteligjencën artificiale për të përmirësuar shërbimet gjatë muajit të shenjtë.
Dy Xhamitë e Shenjta pritet të mirëpresin shumë besimtarë gjatë muajit të shenjtë të Ramazanit pasi kufizimi 7-mujor të lutjeve dhe Umras të pezulluar tetorin e kaluar.
