Kryeimami i Kryesisë së Bashkësisë Islame të Kosovës, Sabri ef. Bajgora në mbledhjen e rregullt të datës 29 mars 2018, takoi , kryeimamët e Këshillave të Bashkësisë Islame të Kosovës.

Kryetari i Bashkësisë Islame të Kosovës, Myftiu Naim ef. Tërnava me bashkëpunëtorë, mori pjesë në shënimin e 95-vjetorit të themelimit të Komunitetit Mysliman të Shqipërisë, që u mbajt në Tiranë

Kryetari i Bashkësisë Islame të Republikës së Kosovës, Myftiu Naim Tërnava, së bashku me bashkëpunëtorët e tij, qëndruan në Dragash dhe vizituan fabrikën “Meka halal food” për përpunimin e mishrave, ku u pritën nga pronari i saj Burim Piraj dhe panë nga afër kushtet në të cilat bëhet puna në këtë fabrikë.
Me këtë rast, Myftiu Tërnava tha se Bashkësia Islame e Kosovës përkrah të gjithë ata biznesmenë që sigurojnë mirëqenie për familje të shumta.
“Vërtet unë u ndjeva i kënaqur me kushtet, punën, pastërtinë dhe seriozitetin me të cilin punohet në këtë fabrikë, i dëshiroj punë të mbarë, e lus Zotin që t’u japë shëndet pronarit e punëtorëve dhe të zgjerohet edhe më shumë dhe të ketë eksport nga kjo fabrikë për në vende të ndryshme të Evropës dhe botës dhe të rritet numri i punëtorëve edhe më shumë, vërtet përbën një shembull të mirë se si mund të ndërtohet dhe sigurohet edhe më shteti ynë e të shkohet përpara për një mirëqenie të përgjithshme të qytetarëve të Kosovës”,- tha Myftiu Tërnava.
Nga ana e tij, pronari i fabrikës “Meka”, Burim Piraj, falënderoi Myftiun Tërnava për vizitën dhe tha:
“Ndihem i nderuar me vizitën e tij që i bëri fabrikës, është vizitë e veçantë, i pa nga afër problemet dhe sukseset e kompanisë sonë dhe gjithashtu nga afër ndoqi procesin e prodhimit dhe ne e njoftuam për planet tona për të ardhmen”.

Organizuar nga Bashkësia Islame e Republikës së Kosovës, në bashkëpunim me Komitetin Ndërkombëtar të Kryqit të Kuq (KNKK) me seli në Gjenevë të Zvicrës; u mbajt një takim me kryetarët e këshillave të BIRK-ut që të kërkohet roli i autoritetit fetar për të ndihmuar të pagjeturit dhe të prekurit e luftës në Kosovë dhe për t’u lehtësuar dhimbjet dhe ankthin familjeve të cilave u mungojnë anëtarët e tyre qe 20 vjet.

Në ambientet e Medresesë në Prishtinë u mbajtën garat e Kuranit edhe me paralelen e djemve, të klasave të njëmbëdhjeta dhe të dymbëdhjeta.

Në ambientet e Medresesë në Prishtinë u mbajten garat e Kuranit, me paralelen e vajzave, të klasëve të njëmbëdhjeta dhe dymbëdhjeta.

Me rastin e 7 dhe 8 marsit, Drejtoria e Arsimit në Prishtinë dhe Medreseja "Alauddin" organizuan një program të larmishëm kulturo-artistik.

Shoqata Islamike Shqiptare Australiane (AAIS) është themeluar nga emigrantët shqiptarë në vitin 1963 dhe njëherit është njëra nga organizatat më të mëdha fetaro-shqiptare si dhe më prestigjoze në Australi.

Në kuadër të manifestimit të përgjithshëm për “Epopenë e Ushtrisë Çlirimtare të Kosovës” dhe me rastin e 20- vjetorit të rënies së komandantit legjendar Adem Jashari; Myftiu i Republikës së Kosovës Naim Tërnava me bashkëpunëtorë vizituan Kompleksin Memorial “Adem Jashari” në Prekaz dhe u lutën për familjen Jashari.
Me këtë rast, delegacioni i Kryesisë së Bashkësisë Islame të Republikës së Kosovës, të cilit i printe Myftiu Tërnava, kënduan nga një “fatiha” për shpirtrat e tyre./bislame/

Deklarimi i të ashtuquajturit Myftiu i Beogradit Jusufspahiq që Kosova është Serbi, për Kryesinë e BIK-ut, besimtarët myslimanë të Kosovës dhe ata të Kosovës Lindore (Luginës së Preshevës), si dhe për gjithë popullin e Kosovës është treguesi më i mirë për politizimin e fesë për interesa të ulëta e meskine të një njeriu që veten e quan myfti dhe që me vetëdije është vënë në shërbim të politikës serbe.