Në kuadër të Forumit për vlerat e përbashkëta të pasuesve të religjioneve të ndryshme, të organizuar nga Liga e Botës Islame (RABITA), përfaqësuesit e feve islame, krishtere, hebreje dhe hinduse, janë pritur në një takim në Qendrën Globale për Luftimin e Ideologjisë Ekstremiste.
Pjesë e këtij delegacioni ishte edhe kryetari i Bashkësisë Islame të Kosovës, Myftiu Naim ef. Tërnava i cili theksoi rëndësinë e bashkimit të të gjitha forcave në luftimin e radikalizmit, ekstremizmit dhe terrorizmit ne çdo vend, sepse këto fenomene nuk njohin vend, komb apo fe, shtoi myftiu.