Besimtarët myslimanë në Kosovë dhe në mbarë botën nesër do ta festojnë Kurban Bajramin.
Me rastin e kësaj feste, Kryetari i Bashkësisë Islame të Kosovës, Myftiu Naim ef. Tërnava, ka uruar besimtarët myslimanë.
Në mesazhin e tij, ai tha se kjo festë vjen pas përfundimit të Haxhit, njërit prej pesë shtyllave të Islamit, duke shtuar se Kurban Bajrami bart mesazhe dashurie, paqeje, solidariteti dhe respekti për njëri-tjetrin.