Qaji i përbërë nga lulet e hibiskusit është pjesë e mjekësisë popullore tradicionale në shumë kultura nëpër botë.

Hulumtimet shkencore tregojnë se efekti i saj në shtypjen e gjakut është më shumë se një gojëdhënë. Një studim nga Tufts Univeristy, ka treguar se disa gota qaj në ditë mund të ndihmojnë në uljen e shtypjes së gjakut tek personat me hipertension të lehtë.

Disa vullnetarë kanë pirë nga tre filxhanë çaj në ditë, ndërsa grupi tjetër i participantëve kanë pirë placebo me shije dhe ngjyrë të njëjtë. Ushqimi dhe aktiviteti trupor te të dyja grupet ka qenë i ngjashëm.
Pas gjashtë javësh, te grupi i cili ka konsumuar çaj nga hibiskusi, është vërejtur ulje e shtypjes së gjakut për 7.2 njësi, ndërsa te ata të cilët kanë konsumuar placebo vetëm për 1.3 njësi.

Shkencëtarët meksikan kanë gjetur se pigmenti i kuq në lulet e hibiskusit, antocianat, veprojnë sikurse barnat e quajtura ACE inhibitor (Journal of Ethnopharmacology, Jan. 8, 2010).

Ky veprim është i njëjtë që i bënë barnat Kaptopril dhe Lisinopril kaq efektive. Këto barna janë prej barnave më të përshkruara në botë për uljen e shtypjes së gjakut. Duket shumë fascinuese që një bar popullor funksionon me të njëjtin mekanizëm sikurse këto barna të dobishme.