Shoqata Humanitare bamirëse “Bereqeti” dega në Gjakovë ndihmoi Famullinë “Lindja e Zojës” në Bec të Gjakovës me 25 pako ushqimore dhe higjienike

Aurora Koliqi nga Famullia “Lindja e Zojës” në Bec me këtë rast shprehu falënderime për Shoqatën Humanitare Bamirëse “Bereqeti” dega në Gjakovë që iu ka përgjigjur kërkesës së saj për ofrimin e kësaj ndihme për këto 25 familje skamnore duke kujtuar se kjo është mirësi e madhe dhe humanitet në vepër dhe ju falënderoj për respektin që keni ndaj kishës dhe klerit katolik.

Nga ana tjetër koordinatori i Bereqetit në Gjakovë Abdurrahman Bejtullahu tha se Bereqeti po ofron këtë ndihmë kësaj Famullie në bazë të kërkesës së motrës së nderuar Aurora Koliqi dhe falënderoj në të njëjtën kohë edhe për përkrahjen nga donatorët që po na mbështesin pandërprerë në aksionet tona humane të Bereqetit.

Për këto dy javë Shoqata Humanitare bamirëse “Bereqeti” dega në Gjakovë ka shpërndarë mbi 300 pako ushqimore dhe higjienike dhe këto ndihma do të rriten gjatë ditëve në vijim.

Shoqata Humanitare “Bereqeti”, dega në Gjakovë e mbështetur nga donator të shumtë ka bërë sot shpërndarjen e ndihmave për stafin cilivil të shkollave të Gjakovës.

Në Shkollën “Zekirija Rexha 12 pako, në Mustafa Bakija 10 pako, Mazllom Këpuska 6 pako, Kelmend Rizvanolli 5 pako, në Yll Morina 10 pako, në Emin Duraku 5 pako dhe në Selman Riza 6 pako.
“Sot dega Bereqeti në Gjakovë në bashkëpunim me drejtorët e shkollave të Gjakovës kemi bërë shëprndarjen e pakove ushqimore dhe higjienike për stafin teknik të shkollave, ku një pako arrinë vlerën e 50 eurove. Ndihma ka ardhë nga bashkëatdhetarët tanë që jetojnë në zvicërr, ose më sakt të themi nga familja Gola bashkë miqtë e tyre. Falë donatorëve dega Bereqeti në Gjakovë që nga një marsi deri më sot ka arrtë të shpërndaj 860 pako udhqimore”, është shprehur koordinatori i Shoqatës “Bereqeti” dega në Gjakovë, Abdurrahman Bejtullahu.
Bejtullahu më tej ka shtuar se ndihmat do të vazhdojnë edhe ditëve në vijim.

Me iniciativë të Shoqatës Humanitare "Bereqeti", dega në Gjakovë, në bashkëpunim me Komunën e Gjakovës, përkatësisht Drejtorinë e Shëndetësisë dhe Mirëqenies Sociale, është bërë shpërndarja e 680 pakove ushqimore dhe higjienike për familjet në nevojë në komunën e Gjakovës.

Falë solidaritetit të njerëzve të vullnetit të mirë, ditëve të fundit kjo shoqatë, ka shpërndarë 500 pako me ushqim dhe materiale higjienike për familjet të cilat jetojnë në kushte të renda socio-ekonomike.

Koordinatori i Shoqatës “Bereqeti” dega në Gjakovë, Abdurrahman Bejtullahu, ka lavdëruar donatorët që nuk kanë hezituar që t’u dalin në ndihmë qytetarëve me nevojë. Ai ka falenderuar kompaninin Albina Dyla, për ndihmën e ofruar në këto momente për familjet skamnore. Po ashtu sipas Bejtullahut, donacione këto ditë po ofrojnë edhe qytetarë tjerë, kryesisht bashkëatdhetarët. Koordinatori i Bereqetit, tha se për personat me nevojë do t’u ofrohen edhe maska mbrojtëse.



Vlen të përmendet se shoqata humanitare bamirëse “Bereqeti” dega në Gjakovë, në vazhdimësi, bën shpërndarjen e ndihmave për familjet që jetojnë në kushte të renda socio-ekonomike.

Me rastin e festës së Kurban Bajramit, Shoqata bamirëse “Bereqeti” dega në Gjakovë ndihmon me pako ushqimore 50 familje që kanë fëmijë jetimë

[youtube]http://www.youtube.com/watch?v=hcqdeWBjia0&feature=youtu.be[/youtube]

Këshilli i Bashkësisë Islame i Gjakovës, në bashkëpunim me shoqatën humanitare “Bereqeti”, për nder të muajit të bekuar të Ramazanit, u ka shpërndarë këto ditë 100 pako ushqimore familjeve skamnore në Komunën e Gjakovës.

Abdurrahman Bejtullahi, përfaqësues i shoqatës humanitare “Bereqeti”, në Gjakovë, falënderoi Kryesinë e Bashkësisë Islame që, nëpërmejt shoqatës “Bereqeti”, vazhdimisht po u del në ndihmë familjeve skamnore për nder të muajit të bekuar Ramazan, ai u shpreh: “Këto pako janë ngashoqata humanitare “Bereqeti”, e cila vazhdimisht ka ndihmuar nevojtarët, andaj edhe këto ndihma janë të mirëseardhura që t’ua japim familjeve të varfra dhe atyre me nevojë. Nevoja është shumë e madhe për ndihma, ne po mundohemi që t’u dalim në ndihmë familjeve që kanë nevojë më të ngutshme, me anë të këtyre pakove ushqimore mundohemi që të zbusim sadopak gjendjen e rëndë ekonomike që kanë këto familje skamnore të komunës së Gjakovës dhe që t’i gëzojmë familjet e varfra dhe ato familje që kanë nevojë që edhe ata të ndiejnë gëzimin për Ramazan”,- tha ai.

Bejtullahi tha se deri më sot kanë arritur t’i shpërndajmë 650 pako ushqimore dhe beson që me ndihmën e Zotit deri në natën e fundit të Ramazanittë arrijnë t’i shpërndajmë 1000 pako ushqimore familjeve skamnore që sadopak të zbusin gjendjen e tyre sociale që edhe ata ta ndiejnë atmosferën e Ramazanit në sofrat e tyre.

Edhe familjarët u shprehën shumë falënderues për ndihmat që i morën. Burim Hasani njëri nga ata që morën pako ushqimore tha:”… këto pako po na gjenden në ditët më të vështira që kemi nevojë ne gjatë këtij muajit të bekuar dhe e falënderojmë hoxhën Abdurrahman, i cili na thirr dhe na ndihmon në çdo muaj. Zoti jua shpërbleftë!”. Po në këtë vazhdë, me pako ushqimore u ndihmuan edhe gratë të cilat marrin shërbime në shoqatën “Medica Kosova”.

Ky donacion është nga Ambasada e Emirateve të Bashkuara Arabe në Podgoricë, gjegjësisht nga fondacioni “Khalifa bin Zajed Al Nahjan” nga shteti Emirateve të Bashkuara Arabe dhe çdo pako ka vlerë prej 50 eurove.

Shoqatat “Gjysmëhëna e kuqe” dhe “Khalifa bin Zajed” gjatë ditëve të ardhshme, do të shpërndajnë gjithsej 2600 pako në tërë Republikën e Kosovës.

Me iniciativë të shoqatës “Bereqeti” dega në Gjakovë, e përfaqësuar nga koordinatori Abdurrahman ef.Bejtullahu dhe ndihmën e shumë donatorëve, sot e enjte më dt. 20.09.2018, është bërë inagurimi i shtëpisë së familjes treanëtarëshe Krelani nga Gjakova, e cila deri më tani ka jetuar në kushte jashtëzakonisht të rënda.

Prerja e shiritit të shtëpisë së re u bë nga Kryetari i Këshillit të Bashkësisë Islame në Gjakovë, Ahmet ef.Hoxha, i cili ia dorëzoi çelësat e shtëpisë Kaltrinës, anëtares së familjes.
Në fjalën e tij të rastit Kryetari i KBIGJ-së, Ahmet ef.Hoxha pasi falënderoi Zotin i Cili e mundësoi ndërtimin e kësaj shtëpie tha:
“Ju përshëndes dhe ju falënderoj për pjesmarrjen tuaj në këtë ditë të veçantë. Jemi tubuar këtu që t’i gëzojmë disa bashkëqytetarë tanë jetim. Mund të them se ky vit për ne si Këshill i Bashkësisë Islëm në Gjakovë është vit i suksesit. Brenda një periudhe shumë të shkurtë kemi përmbyllë dy projekte shumë të mëdha, duke u munduar që të fusim gëzimin në zemrat e disa bashkëqytetarëve tanë. Shfrytëzoj ratin që Në emrin tim personal dhe në emër të Këshillit të Bashkësisë Islëm në Gjakovë të falënderoj për mundin, kontributin dhe angazhimin e tij, imamin tonë të nderuar, koordinatorin e Shoqatës “Bereqeti” dega në Gjakovë. Abdurrahman ef.Bejtullahun, i cili gjatë kësaj periudhe katërmujore dha maksimumin që këto projekte të përfundojnë me sukses. Falënderimet u dedikohen edhe donatorëve të të cilët u solidarizuan dhe kontribuan që kjo familje ta gëzoj një shtëpi të re.”
Në fund pasticeria “Happy i vjetër” nga Gjakova për të pranishmit ka përgatitur një koktej.

Falë iniciativës së shoqatës “Bereqeti” dega në Gjakovë, e përfaqësuar nga koordinatori Abdurrahman ef.Bejtullahu, dhe donatorit Hamdi Golaj nga Gjakova i cili jeton dhe punon në Zvicer, sot e diele, më dt. 19.08.2018, është bërë inagurimi i shtëpisë pesëanëtarëshe e Burim Hasanit nga Gjakova, e cila deri më tani ka jetuar në kushte shumë të vështira ekonomike dhe sociale.

Prerja e shiritit të shtëpisë së re u bë nga Kryetari i Këshillit të Bashkësisë Islame në Gjakovë, Ahmet ef.Hoxha dhe Hamdi Golaj, ku ky i dyti ia dorëzoi kryefamiljarit çelësat e shtëpisë.
Në fjalën e tij të rastit Kryetari i KBIGJ-së, Ahmet ef.Hoxha i falënderoi të pranishmit për pjesëmarrje në këtë eviniment në prag të festës së Kurban Bajramit. Ai e falënderoi edhe donatorin, Hamdi Golaj, ku falë solidariteti të tij, familjës Hasani i janë larguar brengat e vuajtjet dhe sot gëzojnë një shtëpi të re.
Ndërsa familja Hasani janë shprehur jashtëzakonisht të lumtur me kushtet që i ka shtëpia e tyre e re njëherit kanë falënderuar donatorin i cili ka kontribuar nga pasuria e tij për një jetë më të mirë për anëtarët e familjes së tyre.
Në fund pasticeria “Happy i vjetër” nga Gjakova ka përgatitur një koktej për të gjithë të pranishmit.

Shoqata humanitare bamirëse “Bereqeti” dega në Gjakovë ka ndihmuar me pako ushqimore dhe veshmbathje rreth 45 familje të cilat jetojnë në banesat sociale në Gjakovë.

Me këtë rast koordinatori i Shoqatës “Bereqeti” dega në Gjakovë, Abdurrahman Bejtullahu, tha se falë vullnetit të mirë të bamirësve gjatë këtij muaji janë ndarë dy mijë pako për familjet që jetojnë nevojtare në komunën e Gjakovës.

“Sot kemi shpërndarë ndihmë për 45 familje që jetojnë në këto dy banesa. Asnjë nuk e kemi anashkaluar, të gjithë janë prezent. Secila pako kap vlerën prej 50 euro. Në to ka veshmbathje dhe gjëra ushqimore. Falë Zotit, gjatë muajit të Ramazanit, dega e Bereqetit në Gjakovë ka rrit kulmin e bamirësisë. Është viti i parë që kemi arrit t’i përgatisim mbi 2000 pako deri në festën e Bajramit. Ndihmat i kemi shpërndarë nëpër lagjet më të varfra dhe nëpër fshatra. Shfrytëzoj rastin t’i përshëndes dhe t’i falënderoj të gjithë ata që na ndihmojnë që këtyre familjeve sadopak t’ju lehtësojmë jetën e tyre”, tha Bejtullahu.

Familjet që u ndihmuan falënderuan të gjithë ata që kanë marrë këtë iniciativë humanitare.

Shoqata humanitare “Bereqeti” dega në Gjakovë, për nderë të muaji të bekuar të Ramazanit, ka shpërndarë 200 pako ushqimore dhe produkte higjienike për familjet nevojtare.

Kësaj radhe ndihmat i janë shpërndarë familjeve, anëtarë të së cilës janë pjesë e shoqatës së të verbërve.
“Sot kemi bërë shpërndarjen e 200 pakove, 150 prej të cilave kanë ardhë nga Turqia, ndërsa 50 tjera nga qytetarët e Gjakovës, të cilët janë donatorë të rregullt. Kjo është hera e dytë që bëjmë e shpërndarjen e ndihmave gjatë muajit të Ramazanit. Herën tjetër planifikojmë t’i përfshijmë edhe familjet nevojtare nga fshatrat. Apeloj tek të gjithë njerëzit e vullnetit të mirë që të ndihmojnë në çfarëdo mënyre këto familje skamnore e të vobekta të cilat kanë mbet në mëshirën e kohës”, është shprehur koordinatori i Shoqatës “Bereqeti” dega në Gjakovë, Abdurrahman Bejtullahu.
Familjarët që janë ndihmuar me këto pako janë shprehur falënderues për këtë ndihmë e cila sipas tyre sadopak ua lehtëson jetën e tyre.

Në vazhdën e aktiviteteve të Kryesisë së Bashkësisë Islame të Republikës së Kosovës (BIRK) të Ramazanit 2018, të kryesuar nga myftiu i Republikës së Kosovës Naim ef. Tërnava, ekipi i Ramazanit qëndroi në rajonin e Pejës, ku u shtrua iftar tradicional për administratën dhe imamët e Këshillave të Pejës, Klinës, Deçanit, Istogut dhe Gjakovës.

Pas iftarit me një fjalë rasti të pranishmëve në emër të Kryesisë së BIRK-së iu drejtua Myftiu Naim ef. Tërnava, i cili drejtoi lutje Zotit që duatë dhe agjërimin të na i pranojë dhe edhe më të mundohemi të fitojmë nga ky muaj i bekuar. Në vazhdim ai përgëzoi imamët për punën që janë duke e bërë nëpër Këshillat e BI-së, dhe potencoi edhe rolin që duhet ta luajë vazhdimisht imami në shërbim të fesë dhe kombit, duke ditur se ky është një amanet që e kemi para Zotit dhe kombit në mënyrë që para Zotit të dalim faqebardhë. ”Këtë muaj e veçoi Zoti duke dhuruar begati të njëpasnjëshme. Ne jemi duke agjëruar dhe në këtë muaj do ta presin Natën e Kadrit e cila është një dhuratë tepër e çmuar për ymmetin e Muhamedit ”-shtoi myftiu Tërnava.
Ai ka porositur imamët që të punojnë edhe më shumë në të mirë të xhematit dhe shoqërisë në përgjithësi. Ai ka folur edhe për Medresenë Alauddin, e cila ka luajtur rol qendror në edukimin e kuadrit fetar dhe ishte qëndresë e çështjes fetare dhe kombëtare, si dhe Fakultetin e Studimeve Islame në Prishtinë që po formon dhe përgatit profesionalisht kuadrin fetar që nesër janë pjesë BIK-ut.
Pas iftarit, ekipi i Ramazanit u shpërnda nëpër xhamitë e rajonit të Pejës për të ligjëruar nëpër xhami dhe falë namazin e teravisë./bislame/

Sot, në zyrat e Këshillit të Bashkësisë Islame në Gjakovë, u mbajt mbledhja me imamët e komunës së Gjakovës, ku si temë ishte parapërgatitja për muajin e madhëruar të Ramazanit, bashkëbisedimi me imamët për aktivitet që do të zhvillohen gjatë këtij muaji dhe koordinimi i punëve shtesë.

Takimin e hapi kryeimami i KBIGJ-së, Visar ef.Koshi, i cili i përshëndeti të pranishmit dhe i njoftoi për qëllimin e takimit, i cili ka të bëjë me koordinimin dhe organizimin e aktiviteteve gjatë muajit të Ramazanit.
“Shfrytëzoj rastin t’ju përshëndes dhe t’ju falënderoj për pjesëmarrjen tuaj në këtë takim. Edhe këtë vit jemi munduar t’i marrim të gjitha masat e duhura për të qenë sa më të përgatitur për muajin e shenjtë të Ramazanit. Është me rëndësi që gjatë këtij muaji të jemi sa më afër xhematit ngase, siç e dimë, vetë muaj i Ramazanit është muaj i mëshirës dhe i solidaritetit. Prandaj nga ne kërkohet, që të jemi sa më aktiv që këtë muaj ta presim sa më të përgatitur. Pa dyshim se muaji i Ramazanit do jetë më dinamik në shumëllojshmërinë e aktiviteteve. Gjatë këtij muaji përveç faljes së namazit të teravive do të ketë organizim të ligjëratave dhe një sërë aktivitetesh tjera kushtuar këtij muaji.”

Pas fjalës së kryeimamit, imamët paraqiten idetë, propozimet dhe sugjerimit e tyre që kanë të bëjnë me organizimin e aktiviteteve që do të zhvillohen në kuadër të muajit të Ramazanit në komunën e Gjakovës.

Sot, me datë 12 maj 2018, Këshilli i Bashkësisë Islame Gjakovë shënoi hapjen solemne të zyres dhe hapsirave për aktivitete të Departamentit të Gruas, në galerinë e katit të parë, në ndërtesen pranë Xhamisë së Re në Gjakovë

Me ç’rast kryesuesja e këtij departamenti PhD. Violeta Smajlaj, së bashku me teologen Mexhide Hoxha, pasi mirëpriten të ftuarit, shpalosen të arriturat e deritanishme, aspiratat e mëtutjeshme, dhe ndanë mirënjohje.

Të pranishmit i përshendeten me fjalë rasti:
- Mr. Vaxhide Bunjaku - Drejtore e Departamentit të Gruas në Kryesi të Bashkësisë Islame në Prishtinë.
- Prof. Besa Ismaili - Prodekane e Fakultetit të Studimeve Islame, në Prishtinë.
- Znj. Sanije Berisha - nga Shoqata e Gruas, në Gjakovë.

Njëherit, nderuan me prezencen e tyre - Blerta Iljazi - aktiviste e DG-së të KBI-së në Fushë Kosovë - Arta Gorqaj - Udhëheqëse e DG-së të KBI-së në Istog - Mihana Goga - aktiviste e DG-së të KBI-së në Obiliq - Dr. Florentina Tërmkolli

Departamenti i Gruas pranë KBI-së në Gjakovë, shpreh mirënjohjen e thellë për gjithë të pranishmit dhe uron që ky solemnitet të jetë fillesë e një mbarësie të vazhdueshme!



PhD. Violeta Smajlaj

Dje, në ambientet e Medresesë së Madhe në Gjakovë u mbajt takimi me imamët e KBI të Gjakovës, Rahovecit dhe Malishevës, në vigjilje të muajit te bekuar të Ramazanit

Në këtë takim, ku prezent ishin edhe përfaqësues të Kryesisë së Bashkësisë Islame të Kosovës, sekretari i Kryesisë Resul Rexhepi, kryeimami Sabri Bajgora, drejtori për shtyp dhe veprimtari botuese Ahmet Sadriu, drejtori financiar Kasim Gërguri, drejtori për Diasporë Ekrem Simnica, zëvendëskryeimami Fatmir Iljazi dhe drejtori për Kulturë Ramadan Shkodra, u bisedua për punët dhe aktivitetet fetare që do të zhvillohen gjatë muajit të bekuar te Ramazanit.

Në hapje të mbledhjes, sekretari i Kryesisë Resul Rexhepi, pos të tjerash, tha se këto mbledhje tradicionale në vigjilje të muajit të bekuar të Ramazanit mundësojnë që të kemi sa më shumë koordinim në të mirë të xhemateve tona. Më pas, fjalën e mori kryeimami i Kosovës Sabri Bajgora,i cili theksoi nevojën e organizimeve të aktiviteteve në Ramazan dhe tha se këto aktivitete do të zhvillohet gjatë tërë muajit të Ramazanit, kur dhe do të ketë hafizë nga Turqia që do të shërbejnë gjatë muajit të Ramazanit në vendin tonë, se do të mbajnë tribuna, se do të ketë dalje në terren nga ekipi i Ramazanit për teravi dhe se do të organizohen aktivitete të tjera.

Pos kësaj, do të organizohen iftare tradicionale në rajone të ndryshme të Kosovës dhe iftari tradicional në Medrese e shumë aktivitete të tjera.Pastaj, para të pranishmëve folën edhe drejtori për shtyp dhe veprimtari botuese Ahmet Sadriu, drejtori financiar Kasim Gërguri, drejtori për Diasporë, Ekrem Simnica, drejtori për Kulturë Ramadan Shkodra, të cilët kërkuan nga imamët që të jenë më aktivë sa i përket literaturës që boton BIRK-u, si dhe për tubimin e sadaktul-fitrit dhe zeqatit për nevoja të Medresesë, Fakultetit dhe institucioneve të tjera arsimore të BIK-ut.

Kryetari Bashkësisë Islame në Gjakovë, Ahmet ef. Hoxha bashkë me imamin Abdurrahman ef.Bejtullahu, koordinator i Shoqatës bamirëse “Bereqeti”, dega në Gjakovë, vizituan dy familje që jetojnë në kushte shumë të rënda.

Ata vizituan familjet Hasani e Krelani, dhe për së afërmi panë gjendjen e mjerueshme në të cilën jetojnë këto familje.

Familja pesë anëtarëshe Hasani jeton në një shtëpi në kodrën e Çabratit në Gjakovë e cila nuk plotëson as kushtet elementare për jetesë. Shtëpia është në rrënim e sipër, çatia është plotësisht e shkatërruar, dera është e improvizuar, ndërsa dritare nuk ka fare.

“Në kuadër të Këshillit të Bashkësisë Islame Gjakovë vepron dega “Bereqeti”, e cila në vazhdimësi ka ndihmuar këtë familje, por kësaj radhe jemi duke menduar që t’i ofrojmë një ndihmë tjetër, ndërtimin e shtëpisë sepse kushtet në të cilat jeton kjo familje pesë anëtarëshe janë kushte jashtëzakonisht jo të mira”, tha kryetari i KBIGJ-së.

Ky lajm i gëzoi pamasë anëtarët e kësaj familje, e cila sipas kryefamiljarit jeton këtu prej shumë vitesh. Ai tha se familja e tij kanë kaluar vetëm ditë të zymta nën rrënojat e kësaj shtëpie të vjetruar.

Shoqata bamirëse “Bereqeti”, dega në Gjakovë do t’i del në ndihmë edhe familjes tre anëtarëshe Krelani, e cila jeton në një shtëpi të shkatërruar dhe në kushte jashtëzakonisht të rënda. Edhe kësaj familje Shoqata Bamirëse “Bereqeti” dega në Gjakovë pritet t’ia ndërtoj një shtëpi të re.

Ndërtimi i të dy shtëpive pritet të filloj së shpejti. Sipas donatorëve finalizimi i të gjitha punimeve dhe dorëzimi i çelësave familjarëve do të bëhet brenda disa muajve, konkretisht në festën e Fiter Bajramit.

Ata apelojnë edhe tek njerëzit e vullnetit të mirë që të kontribuojnë sado pak dhe t’u dalin në ndihmë familjeve skamnore.

Vlen të theksohet se të dyja vizitat janë përcjellë nga TV “SyriVision”.

[youtube]http://www.youtube.com/watch?v=i1ubYXf1Fsw[/youtube]

Sot, me rastin e ditëlindjes së Muhammedit a.s. Këshilli i Bashkësisë Islame në Gjakovë, në bashkëpunim me Qendrën Kombëtare për Transfuzion të gjakut, dega në Gjakovë, organizoi aksion vullnetar për dhurimin e gjakut me moton “Muhammedi a.s. mëshirë për njerëzimin.”

Ky aksion, si rezultat i iniciativës së mirë dhe ndjenjës së solidaritetit u organizua pas namazit të xhumasë në xhaminë Qyl, nën përkujdesjen e ekipit mjekësor.

“Përmes këtij aksioni dëshirojmë të tregojmë edhe njëherë anën tonë humanitare të cilën na e ka mësuar Pejgamberi a.s. Ky është aksioni i dytë brenda këtij viti kalendarik që KBIGJ organizon në dhurimin e gjakut. Aksioni i parë ka qenë para muajit të Ramaznit dhe tani ky me rastin e ditëlindjes së Pejgamberit a.s. dua t’i falënderoj të gjithë ata që i janë përgjigjur thirrjes dhe që nuk hezituan të bëhen pjesë e këtij aksioni bamirës dhe human në ndihmë të personave me nevojë”, tha Kryetari i KBI në Gjakovë, Ahmet ef.Hoxha.

Ftesës për të dhënë gjak i janë përgjigjur imamët, xhematlinjët dhe qytetarët e komunës së Gjakovës.

Për nderë të muajit të bekuar të Ramazanit, Këshilli i Bashkësisë Islame Gjakovë në bashkëpunim me Shoqatën bamirëse “Bereqeti”, dega në Gjakovë, shpërndan pako ushqimore për familjet në nevojë

[youtube]http://www.youtube.com/watch?v=LOdqjeLyJuI[/youtube]

Shoqata bamirëse "Bereqeti" në këtë fillim të Ramazanit shpërndanë ndihma për tetë mijë familje nevojtare në mbarë territorin e Kosovës, Luginës së Preshevës dhe një pjesë të Shqipërisë

Shoqata bamirëse “Bereqeti” në këtë fillim të Ramazanit shpërndanë ndihma për tetë mijë familje nevojtare në mbarë territorin e Republikës së Kosovës, Luginës së Preshevës dhe një pjesë të Shqipërisë.
Drejtori i kësaj shoqate Fitim ef. Flugaj thekoi se sikur edhe çdo herë edhe këtë vit shoqata Bereqeti falë donatorëve te ndryshëm ka shpërndarë ndihma me pako ushqimore për kategoritë nevojtare në Kosovë , Luginë të Preshevës dhe Shqipëri.
Në Kosovë këto ndihma janë shpërndarë si vijon : Në 24 këshilla kemi shpërndarë nga 150 pako ushqimore me nga 12 artikuj ushqimor , që gjithsejtë janë 3600 pako, në dy Këshilla tjerë kemi shpërndarë gjithsejtë 400 pako, kurse dy këshilla të tjerë nga 100. Kurse 500 pako janë ndarë për shoqatat e invalidëve me 100 pako për konviktet e nxënësve dhe studentëve si dhe 200 pako për skamnorët e Pukës me vlerë mbi 8000 euro. Gjithashtu në kryeqytet dhe Pejë e qytete tjera të Kosovës kemi pranuar dhe shpërndarë mbi 2000 pako.
Si zakonisht vlera e pakos ka shkuar nga 35 deri në 50 euro. Në këtë përmbyllje secili Këshillë ka përfitua ndihma me vlerë mbi 6000 euro që do të thotë vlera totale e këtyre ndihmave kap shifrën diku mbi 170 mijë euro.

Këshilli i Bashkësisë Islame Gjakovë në bashkëpunim me Shoqatën bamirëse “Bereqeti”, dega në Gjakovë, nga dita e Merkure 24 Maj e deri më sot ka bërë shpërndarjen e afro 300 pakove ushqimore.

Ndihmat u janë shpërndarë familjeve të varfra, bonjakëve dhe institucioneve.

Shpërndarja e ndihmave është bërë në Xhaminë Qyl dhe në Medresenë e Madhe në Gjakovë

Sot, në ambientet e Medresesë së Madhe në Gjakovë u mbajt takimi me imamët e KBI të Gjakovës, Rahovecit dhe Malishevës, në vigjilie të muajit te bekuar të Ramazanit

Të pranishëm ishin edhe përfaqësuesit e Kryesisë së Bashkësisë Islame të Republikës së Kosovës, Ekrem ef.Simnica dhe Rexhep ef.Luma.
Takimi filloi me leximin e disa vargjeve nga Kur'ani famëlartë, për të vazhduar me fjalën e kryetarit të KBI të Gjakovës, Ahmet ef.Hoxha, i cili të pranishmit i njoftoi për qëllimin e takimit që ka të bëjë me koordinimin dhe organizimin e aktiviteteve gjatë muajit të Ramazanit.
Pas tij fjalën e mori përfaqësuesi i BIK Ekrem ef.Simnica i cili ndër të tjera tha: “Shfrytëzoj rastin t’ju përshëndes dhe t'ju falënderoj për pjesëmarrje. Jemi mbledhur sot këtu, në këtë takim të përbashkët tradicional për pritjen sa më madhështore të muaji të bekuar të Ramazanit. Edhe këtë vit, si edhe vitet tjera Kryesia e Bashkësisë Islame e Kosovës ka marrë të gjitha masat e duhura që të jetë sa më e përgatitur për muajin e shenjtë të Ramazanit.”
z.Simnica, i njoftoi të pranishmit me platformën gjithëpërfshirëse të aktiviteteve që pritet të organizohen nga Kryesia e BIK në bashkëpunim me Këshillat vendorë gjatë muajit të Ramazanit.
Në vazhdim imamët paraqiten idetë, propozimet dhe sugjerimit rreth organizimit dhe aktiviteteve që do të zhvillohen në kuadër të muajit të Ramazanit në komunën e Gjakovës, Rahovecit e Malishevës
Në mbyllje të takimit z.Simnica i porositi imamët që të jenë sa më aktiv dhe të zgjedhin gjuhën më të bukur të komunikimit në raport me xhematin. Ai premtoi përkrahjen maksimale nga Kryesia e Bashkësisë Islame të Kosovës në organizimin sa më të mirë të pritjes së muaji të bekuar të Ramazanit .